Fox News телеканали АҚШ биринчи хоними Мелания Трампнинг Россия президенти Владимир Путинга йўллаган мактуби матнини эълон қилди. Телеканал маълумотларига кўра, Доналд Трамп мактубни Анкориждаги музокаралар чоғида жаноб Путинга топширган ва РФ раҳбари дарҳол уни ўқиб чиққан.
Мелания Трамп Россия қўл остида қолаётган украиналик болалар ҳақида ёзган.
"Ҳар бир боланинг қалбида бир хил сокин орзулар бор, у қишлоқда ёки катта шаҳарда туғилган бўладими. Улар севги, имконият ва хавфсизликни орзу қилади", - деб ёзади Мелания Трамп мурожаат бошида.
Биринчи хоним Владимир Путин "уларнинг оҳангдор кулгисини тиклашга” қодирлигини қўшимча қилди. "Болаларнинг бегуноҳлигини ҳимоя қилиб, сиз нафақат Россияга хизмат қиласиз, балки бутун инсониятга хизмат қиласиз. Ўша тасаввурни бугун қалам зарби билан амалга оширишингиз мумкин. Вақти келди", деб давом этди Трамп хоним.
Владимир Путин ва Доналд Трамп ўртасидаги музокаралар 15 август куни Аляскада бўлиб ўтган.18 август куни Вашингтонда АҚШ президенти ва Украина президенти Владимир Зеленскийнинг учрашуви бўлиб ўтиши режалаштирилган.
Агар музокаралар муваффақиятли якунланса, Доналд Трамп 22 августдаёқ Россия ва Украина президентлари иштирокида уч томонлама учрашув ўтказишни хоҳлайди, деб ёзади Axios ва CNN.
Хитойликлар аёл ўрнини боса оладиган робот ихтиро қилди
Машҳур овчи уч метрли лаққа тутди
ДИҚҚАТ! Бугун Ўзбекистонда йилнинг энг ноёб ҳодисаларидан бири — Персеидлар кузатилади
