Мексикада, Гватемала билан чегарада ҳарбийлар адашиб, бир гуруҳ мигрантларни отиб ташлади

Мексикада, Гватемала билан чегарада ҳарбийлар адашиб, бир гуруҳ мигрантларни отиб ташлади. 6 киши ҳалок бўлди. Бу ҳақда Bild хабар берди.

Тахминларга кўра, мигрантлар юк машиналарида кетаётган бўлган, улар контрабандачилар ёрдамида чегарани ноқонуний кесиб ўтмоқчи бўлган. Мексика армияси аскарлари уларга қарата ўт очди. 6 киши ҳалок бўлди, 12 киши яраланди. Мамлакат расмийларининг тушунтиришича, ҳарбийлар мигрантларни наркотик картеллари жиноятчилари деб ўйлашган.