Мексикада дунёдаги энг катта футбол дарси ўтказилди

Мексика пойтахти Мехико шаҳрида дунёдаги энг оммавий футбол дарси бўйича Гиннесс рекордлар китоби рекорди ўрнатилди.

Мамлакатнинг марказий Сокало майдонида ўтказилган машғулотда қарийб 9 500 нафар иштирокчи қатнашди.

Тахминан 40 дақиқа давом этган дарс аввалги рекордни ортда қолдирди. Унгача энг оммавий футбол машғулоти 2025 йилда Сиэтл шаҳрида ўтказилган бўлиб, унда 1 038 киши иштирок этган эди.

Тадбир 11 июндан 19 июлгача АҚШ, Мексика ва Канадада бўлиб ўтадиган футбол бўйича жаҳон чемпионати муносабати билан ташкил этилди.