Мексика жамоаси клублар ўртасидаги Жаҳон чемпионати-2025 иштирокчилари сафидан чиқарилди

ФИФА Мексиканинг "Леон" клубини клублар ўртасидаги жаҳон чемпионати - 2025 иштирокчилари сафидан чиқарганини расман эълон қилди. ФИФА текширув ўтказиб, "Леон" ва "Пачука" клублари регламент мезонларига жавоб бермаслигини аниқлади, чунки уларнинг эгалари битта.

Клублар ўртасидаги жаҳон чемпионатида "Пачука" иштирок этади, "Леон" эса мусобақадан четлатилган. Кейинроқ ФИФА турнирда Мексика жамоаси ўрнини эгаллайдиган клуб номини эълон қилади.

"Леон" клублар ўртасидаги жаҳон чемпионати - 2025 да "Челси," "Фламенго" ва "Эсперанс" билан бир гуруҳда иштирок этиши керак эди. Энди бу уч жамоа янги рақиб кутади.