Мексика БРИКСга қўшилмоқчи эмас, деди президент Андрес Мануэль Лопес Обрадор матбуот анжуманида.
“Биз бу блокда, бу уюшмада қатнашмоқчи эмасмиз. Биз, албатта, бошқа давлатларнинг иштирокини олқишлаймиз, бироқ иқтисодий ва геосиёсий қўшничилик нуқтаи назаридан биз Шимолий Америка ва бутун Америка иттифоқини мустаҳкамлашда давом этамиз”, деди Обрадор.
Президент ўз маъмурияти сиёсатининг устувор йўналиши АҚШ, Мексика ва Канада ўртасида савдо келишувларини ишлаб чиқиш эканлигини қўшимча қилди. Май ойида Мексика Қўшма Штатларнинг энг яқин савдо шеригига айланди, деди у.
