Меҳмонхона қуриш учун 7 йил муддатга 2 йиллик имтиёзли давр билан кредит ажратилади

Бунда вилоятлар маркази ва туризмга ихтисослашган 36 та туманда – 30 млрд. сўмгача, бошқа ҳудудларда 10 млрд. сўмгача имтиёзли кредит ажратилади.

3 йилда меҳмонхона ва туризм маскани қуриш учун 5 минг гектар ер аукционда сотилади. Тадбиркордан ер учун тўлов ундирилмайди, эвазига давлат шу сумма билан лойиҳага улушдор бўлади.

Тадбиркор 10 йил ичида бу улушни сотиб олиши мумкин бўлади. Агар ер нақд сотиб олинса, 20% чегирма берилади.

Шунингдек, ҳар бир турист учун кунлик 62 минг сўмгача йиғимни энди фақат пойтахт, вилоят марказлари ва йирик туристик ҳудудлардаги меҳмонхоналар тўлайди.