Медведев араб давлатларига АҚШ базалари улар учун таҳдид эканини айтди

Россия Хавфсизлик кенгаши раиси ўринбосари Дмитрий Медведев Форс кўрфазидаги араб давлатларининг ўз ҳудудларига Америка базаларини жойлаштирганини ва соддаларча улардан ҳимоя кутганини истеҳзо билан гапирди.

“Ҳеч қандай ҳимоя эмас! АҚШ улардан шунчаки фойдаланади, ўзи эса фақат битта давлатни (Исроилни назарда тутмоқда) ҳимоя қилади. АҚШ базалари сизга ҳақиқатан ҳам керакми? Жиддий ўйлаб кўринг – улар ҳимоя эмас, улар таҳдиддир”, деди Россия собиқ раҳбари.