МДҲ Хавфсизлик Кенгаши котиблари минтақадаги хавфсизликка таҳдидларни муҳокама қилади

Чоршанба куни Москвада МДҲга аъзо давлатлар Хавфсизлик кенгаши котибларининг йиғилиши бўлиб ўтади.

Россия Хавфсизлик кенгаши хабар беришича, йиғилишга Россия Хавфсизлик кенгаши котиби Сергей Шойгу раислик қилади.

Хабарга кўра, йиғилиш иштирокчилари МДҲ ҳудудидаги хавфсизликнинг долзарб муаммолари ва таҳдидларини, шунингдек, биргаликдаги жавоб чораларини муҳокама қилади.

Бундан ташқари, томонлар Мустақил Давлатлар Ҳамдўстлиги доирасида гуманитар ва таълим соҳасидаги ҳамкорликни кенгайтириш масалаларини кўриб чиқадилар.