Футболчи Килиан Мбаппе келажакда Франция президенти бўлиш имкониятини баҳолади. У бундай вариантни умуман кўриб чиқмаётганини тан олди. Килиан сиёсий фаолиятсиз ҳам уни ёмон кўрувчилар етарли эканлигини айтиб, ҳазил қилди.
Мбаппенинг сўзларига кўра, фаолиятини якунлаганидан кейин у кўздан йироқроқ бўлишни афзал кўради. Шунга қарамай, футболчи кўпчилик унга сиёсий карьера бошлашни маслаҳат бераётганини таъкидлаб ўтди.
«Хавотир олманг, мен Франция президенти бўлишни режалаштирмаяпман. Бу ҳақда менга кўпчилик гапиради, лекин бу менинг режаларимга кирмайди. Мени шундоқ ҳам етарлича ёмон кўришади (кулади). Мен келажакда кўпроқ кўздан йироқда бўлишни хоҳлайман», — деди Мбаппе.
Қатар давлат инвестиция жамғармаси Швейцарияга гол урган футболчига жуда катта мукофот тўлайди
ЖЧда Машариповнинг ўрнини ким эгаллаши маълум бўлди
Zo'r TV телеканали 13-июнь куни ЖЧ-2026нинг 4 та ўйинини жонли трансляция қилади
