Мбаппе: «Қайтиб келдим!» (ФОТО)

Мадриднинг «Реал» жамоаси ҳужумчиси Килиан Мбаппе ижтимоий тармоқдаги саҳифасида «қироллик клуби» машғулотларидан фотосурат билан ўртоқлашди.

Эслатиб ўтамиз, 19 июнь, пайшанба куни франциялик футболчи ўткир гастроэнтерит ташхиси билан шифохонага ётқизилган эди.

«Қайтиб келдим!», — деб ёзди сурат остида Мбаппе.

Аввалроқ ОАВда ёзилишича, Мбаппенинг ҳолати клублар ўртасидаги жаҳон чемпионатида «Ал-Ҳилол»га қарши ўйин (1:1) олдидан ёмонлашган. Манбаларга кўра, футболчи фақат мевалар истеъмол қилиб, сув ичган, қолаверса, у жамоанинг қолган аъзоларидан изоляция қилинган. Шунингдек, касаллик туфайли Мбаппе 4–5 кг вазн йўқотгани ҳақида ҳам хабарлар тарқалган.