Мбаппе: «ПСЖ»даги сўнгги мавсум «Реал» орзуси учун қурбонликнинг бир қисми эди»

Мадриднинг «Реал» клуби юлдуз ҳужумчиси Килиан Мбаппе «ПСЖ»даги сўнгги мавсумини эслади.

«Париждаги сўнгги мавсум мен учун жуда қийин ўтди. Бу оғир эди, аммо «Реал»да ўйнаш орзумни амалга ошириш учун қилишимга тўғри келган қурбонликнинг бир қисми ҳам эди», — дея Мбаппенинг сўзларини AS келтирди.

27 ёшли футболчи 2024 йил ёзида «ПСЖ»дан «Реал»га ўтган ва Испания гранди билан 5 йиллик шартнома имзолаган.

Жорий мавсум Ла Лигада Мбаппе 6 та учрашувда майдонга тушиб, 7 та гол урди ва 2 та голли узатмани амалга оширди.