Ҳинд океанидаги Францияга тегишли Майотта архипелагида “Шидо” номли ҳалокатли циклондан сўнг қутқарув ишлари олиб борилмоқда, деб хабар беради BBC.
Маҳаллий маъмурият раҳбари Франсуа-Ксавье Бьевилнинг матбуотга маълум қилишича, зарар миқдори аниқлангач, қурбонлар сони ортиши мумкин.
Шу билан бирга, у табиий офат оқибатида юзлаб одамлар ҳалок бўлгани, бироқ уларнинг сони минглаб кишига етиши мумкинлигини эслатди.
Айни пайтда қутқарувчилар жабрланган ҳудудларнинг бир қисмига етиб олишга ҳаракат қилмоқда.
"Шидо" баъзи аҳоли пунктларини вайрон қилиши мумкин, унинг кучи соатига 225 километрни ташкил этди.
Майоттада Францияга бошпана сўраб келган кўплаб ҳужжатсиз муҳожирлар бор. Эҳтимол, қурбонларнинг аксарияти улар бўлган, чунки уларнинг кўпчилиги вақтинчалик уй-жойларда яшаган.
Майотта ороллари гуруҳи аҳолиси 320 минг кишини ташкил қилади. Маҳаллий аҳолининг аксарияти озиқ-овқат, ичимлик суви ва уй-жой етишмаслигидан азият чекмоқда.
16 декабрь куни яна изғирин совуқ қайтади
Россия Украинадан ерларини қайтариб олганини эълон қилди
Қўшма Штатлар Россияга қарши баёнот билан чиқди
