Майк Уолц Signal мессенжерида Россиянинг Украина билан урушини муҳокама қилган – The Wall Street Journal

"АҚШ президенти Доналд Трампнинг миллий хавфсизлик бўйича маслаҳатчиси Майк Уолц Signal мессенжерида нафақат Ямандаги ҳусийларга қарши зарбалар, балки Россия ва Украина ўртасидаги тинчлик музокараларини қандай олиб бориш масаласини ҳам муҳокама қилган", деб ёзади газета икки аноним америкалик расмийга таяниб.

Мақолада Уолцнинг бошқа америкалик расмийлар билан ёзишмаларининг мазмуни ҳақида тафсилотлар келтирилмаган. WSJ манбалари Signal'да махфий маълумотлар муҳокама қилинган-қилинмаганини ҳам очиқламаган.

Америкалик расмийларнинг мессенжерлардан фойдаланиши атрофидаги можаро март ойи охирларида авж олди. Бунга Тhe Atlantic журнали бош муҳаррири Жеффри Голдбергнинг тасодифан Ямандаги ҳусийларга ҳужум бўйича Signal мессенжеридаги гуруҳга қўшиб юборилгани сабаб бўлди.