Майк Тайсон 15 ёшида Муҳаммад Алига ваъда берган - аммо афсонавий боксчи бунга эътибор бермаган

Оғир вазн тоифасида собиқ жаҳон чемпиони Майк Тайсон боксчилик фаолиятидан олдин ҳам, давомида ҳам Муҳаммад Алини ўзига қаҳрамон тутган ва у атиги 15 ёшида машҳур жангчига бир ваъда берганини маълум қилди.

Майк Тайсон атиги 15 ёшида боксчилик фаолиятини бошлаганида афсонавий Муҳаммад Алига у учун «қасос олишга» ваъда берган.

All The Smoke Fight подкастида сўзлаган Тайсон шундай деди: «1980 йил 2 октябрда Ларри Холмс Алини мағлуб этди. Эртаси куни эрталаб Али ва Кас [ДЪАмато] телефонда гаплашишди. Шунда у айтди: ЪМенда 15 ёшли қора танли бола бор, у жаҳон чемпиони бўлади, у билан гаплаш, унинг исми Майк Тайсонʼ.

Мен эса: ЪКатта бўлганимда, сизнинг ўчингизни оламанʼ, дедим. У айтганларимга унча эътибор бермади. Мен унинг учун иккаласини ҳам [Ларри Холмс ва Тревор Бербикни] енгдим.»

Тайсон Алига берган ваъдасида турди. У 1986 йилда Лас-Вегасда атиги 20 ёшида Бербикни техник нокаут билан,1988 йил январида Холмсни нокаут билан енгди.