Ижтимоий тармоқларда тарқалаётган тест материаллари юзасидан ДТМ расмий муносабат билдирди.
"Математика фанидан тест топшириқлари акс этган 8008705 ва 8007240 рақамли тест топшириқлари китоблари Давлат тест марказининг @e_dtm_bot телеграм ботидан олинган диагностик тест топшириқлари бўлиб, мазкур тест топшириқлари 2022-2023 ўқув йили учун олий таълим муассасаларининг бакалавриат таълим йўналишларига кириш тест синовларига тегишли эмас" дейилади муносабатда.
Эслатиб ўтамиз, аввалроқ, тест синовларининг биринчи кунидан Фарғонада абитуриент тест синовига телефон олиб кириб, саволларни тарқатиб юборгани хабар қилинган эди.
