Маск республикачиларга зарар етказмаслик учун партия яратишни тўхтатди

Илон Маск бизнесга эътибор қаратиш ва Республикачилар партиясидан овозларни тортиб олмаслик учун янги сиёсий партия яратишни тўхтатиб қўйди.

Бу ҳақда The Wall Street Journal манбаларга таяниб хабар берди.

Нашрнинг қайд этишича, Маскнинг қарорида асосий омиллардан бири унинг MAGA (Make America great again) сиёсий ҳаракатининг потенциал давомчиси ҳисобланган вице-президент Жей Ди Вэнс билан яхши муносабатларни сақлаб қолиш истагидир. Маск учинчи шахсни яратиш унинг вице-президент билан муносабатларига путур этказишини тан олди.

Манбаларда айтилишича, Маск 2028 йилда президентликка номзод бўлишга қарор қилса, Вэнсни қўллаб-қувватлаш учун молиявий ресурсларидан фойдаланиш имкониятини кўриб чиқмоқда. Маълум қилинишича, Маск 2024 йилги сайловларда Дональд Трамп ва бошқа республикачиларни қўллаб-қувватлаш учун тахминан 300 миллион доллар сарфлаган.

Шу билан бирга, Маскнинг иттифоқчилари у янги партия тузиш ғоясидан расман воз кечмаганини ва оралиқ сайловлар яқинлашар экан, фикрини ўзгартириши мумкинлигини даъво қилмоқда.