Маск махсус давлат хизматчиси лавозимидаги муддати тугаётганини айтди

Америкалик тадбиркор ва АҚШ Давлат самарадорлиги департаменти (DOGE) раҳбари Илон Маск махсус давлат хизматчиси лавозимидаги режалаштирилган муддати тугаётганини айтди.

Бу ҳақда у Х ижтимоий тармоғида ёзди.

"Махсус давлат хизматчиси сифатида режалаштирилган муддатим тугаётган экан, АҚШ президенти Дональд Трампга исрофгарчиликларни камайтириш имконияти учун миннатдорчилик билдирмоқчиман," - деди Маск.

Шунингдек, у DOGE миссияси вақт ўтиши билан фақат мустаҳкамланишини таъкидлади.