Марсдан келган энг катта метеорит кимошди савдосида 5,3 миллион долларга сотилди

Марсдан келган энг йирик НWА 16 788 метеорити Қўшма Штатлардаги аукционда 5,3 миллион долларга сотилди.

Метеоритнинг оғирлиги 24,67 кг. У астероиднинг Марс юзаси билан тўқнашуви натижасида ҳосил бўлган. 2023 йилда метеорит Нигердаги Саҳрои Кабирда топилган.

Бу илгари Ерда топилган бошқа Марс метеоритидан тахминан 70% каттароқдир. Бундай топилмалар жуда кам учрайди – 77 мингдан ортиқ расмий рўйхатга олинган метеоритлардан фақат 400 таси марсликдир.

Сотувга қўйилишидан олдин метеорит галереяда турган, 2024 йилда у Италия космик агентлигида ҳам намойиш этилган. Метеорит харидорининг шахсини ошкор этишмаяпти.