Марказий Осиё — Кўрфаз араб давлатлари саммити 5 май куни Самарқандда бўлиб ўтади

Бу ҳақда Ўзбекистон ташқи ишлар вазири Бахтиёр Саидов маълум қилди.

Бугун Кувайтда “Марказий Осиё – Кўрфаз араб давлатлари ҳамкорлик кенгаши”нинг ташқи ишлар вазирлари учрашуви бўлиб ўтди.

Кун тартибида кўриб чиқилган масалалардан бири - 5 май куни Самарқандда бўлиб ўтадиган Марказий Осиё ва Кўрфаз давлатлари саммити бўлди.

Тадбир доирасида Саидов Кувайт Давлати Амирлик девони ишлари бўйича давлат вазири Шайх Муҳаммад Абдуллоҳ ал-Муборак ас-Сабоҳ билан ҳам учрашув ўтказди.