Франциянинг ўта ўнг “Миллий бирлашув” партияси етакчиси ва ушбу партиянинг яна саккиз нафар аъзоси Европарламент депутатларига ажратилган маблағларни сохта ёрдамчиларни ёллаш орқали суиистеъмол қилганликда айбдор деб топилди.
Париж суди қарорига кўра, Ле Пен тўрт йил озодликдан маҳрум этилди, шундан икки йили шартли, яна икки йили давомида у электрон билагузук тақишга мажбур бўлади. Бундан ташқари, унга беш йил давомида сайловларда иштирок этиш тақиқланди.
Ҳукм чиқарилгандан сўнг, Марин Ле Пен ТF1 телеканалига берган интервюсида ўзини "айбсиз" деб ҳисоблашини айтиб, 2027 йилги президентлик сайловида қатнашиш тақиқини ўзининг президентликка номзод бўлишига тўсқинлик қилишга қаратилган "сиёсий қарор" деб атади.
"Мени сайловдан четлаштиришди, лекин аслида миллионлаб французлар ўз номзодидан маҳрум бўлди", — дея таъкидлади Ле Пен интервюсида ва ҳукм устидан "имкон қадар тезроқ" апелляция шикояти беришини ваъда қилди.
🔴 БАА судидан шов-шувли қарор: ўзбекистонликлар ўлимга ҳукм қилинди!
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ Украина билан урушдан кейин Россия учун янги режа таклиф қилади
