"Манчестер Юнайтед" бошқарувига кутилмаган номзод пайдо бўлди

"Манчестер Юнайтед"нинг собиқ устози Майкл Каррик клубга қайтиши мумкин.

Mirror Football кўра, "Манчестер Юнайтед" раҳбарияти яқин ҳафталарда истеъфога чиқарилиши мумкин бўлган Рубен Аморим ўрнига 44 ёшли Каррик номзодини кўриб чиқмоқда.

Каррик 2018 йилдан 2021 йилгача "Манчестер Юнайтед"да бош мураббий ёрдамчиси бўлган. Эслатиб ўтамиз, 2021 йилнинг ноябридан декабрига қадар инглиз "қизил иблислар" мураббийи вазифасини бажарувчи лавозимида фаолият юритган.

"Манчестер Юнайтед" 4 турдан сўнг Англия Премьер-лигаси турнир жадвалида 4 очко билан 14-ўринда бормоқда.