"Манчестер Сити" ҳимоячисининг дисквалификацияси узайтирилди

"Манчестер Сити" ҳимоячиси Рико Льюиснинг дисквалификацияси 3 та ўйингача узайди.

Эслатиб ўтамиз, Льюис "Сити"нинг Клублар ўртасидаги Жаҳон чемпионати доирасидаги "Видад"га қарши ўйинида тўғридан-тўғри қизил карточка олди.

2:0 ҳисобидаги ғалабадан сўнг "шаҳарликлар" бош мураббийи Хосеп Гвардиола ҳакамнинг қарорига қўшилмаслиги ва футболчиси тўпга ўйнаганини айтганди.

Бироқ ФИФА Гвардиоланинг нуқтаи назарини қўллаб-қувватламади ва стандарт дисквалификацияга яна иккита ўйин қўшди, деб хабар берди "Sky Sports".

Шу тариқа, Льюис гуруҳ босқичида "Ал Айн"дан ташқари "Ювентус" ва 1/8 финал ўйинини ўтказиб юборади.