"Манчестер Сити" ҳимоячиси АПЛнинг бошқа клубига ўтишга рози бўлди

Николо Скиранинг фикрича, "Манчестер Сити" ҳимоячиси Рико Льюис "Ноттингем Форест"нинг асосий трансфер мақсади ҳисобланади.

Манба берган хабарга кўра, "ўрмончилар" 20 ёшли ҳимоячига 2030 йилгача шартнома таклиф қилишган. Манбага кўра, ёш иқтидор соҳиби келишувга рози бўлган. "Ноттингем Форест" вакиллари ҳозирда "Манчестер Сити" билан трансфер бўйича келишувга эришиш учун бор кучини сарфламоқда.

Рико Льюис - "Манчестер Сити" тарбияланувчиси. У асосий таркибда 95 та ўйин ўтказиб, 5 та гол ва 10 та голли узатмани амалга оширган. Transfermarkt экспертлари Льюиснинг нархини 40 миллион еврога баҳоламоқда.