Бугун 31 май, 2020 йил, якшанба

O'ZB

Манба: Хитой коронавирусни тўхтата оладиган дори ишлаб чиқармоқда

Манба: Хитой коронавирусни тўхтата оладиган дори ишлаб чиқармоқда

Хитой лабораторияси олимлари антитаначаларга асосланган янги коронавирусга қарши дорини ишлаб чиқмоқдалар. Уларнинг фикрига кўра, дори коронавирус инфекциясининг пандемиясини тўхтата олади. Бу ҳақда "qalampir.uz" ёзмоқда.

Тадқиқотчилар, ишлаб чиқилаётган дори нафақат тикланиш вақтини қисқартириши, балки қисқа муддатли иммунитет билан таъминлаши мумкинлигини тахмин қилишмоқда.

Пекин университети Геномиканинг илғор инновациялар маркази директори Санни Сенинг сўзларига кўра, унинг жамоаси 60 нафар даволанган беморларнинг қонидан ажратилган нейтраллаштирувчи антитаначалардан фойдаланади. Унинг сўзларига кўра, ҳозир ушбу препарат ҳайвонларда синовдан муваффақиятли ўтмоқда.

“Биз зарарланган сичқонларга нейтраллашувчи антитаначаларни қўллаганимизда, беш кундан кейин организмдаги вирус 2,5 минг марта камайди”, дейди Санни Се.

Олимнинг таъкидлашича, препаратнинг клиник синовлари Австралия ва бошқа мамлакатларда ўтказилади. У жорий йилда фойдаланишга тайёр бўлиши мумкин.

“Умид қиламизки, ушбу зарарсизлантирувчи антитаначалар пандемияни тўхтата оладиган дори бўлади“, дейди Се.

Киритилди: 15:37 19.05.2020. Ўқилди: 2586 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!