"Ман Сити" юлдузи фаолиятини якунлаганидан сўнг балиқчига айланади

"Манчестер Сити" қанот вингери Фил Фоден футболчилик фаолиятини якунлаганидан сўнг нима иш билан шуғулланишини айтди.

"Фаолиятимни тугатганимдан сўнг, балиқ ови ҳақида видеоблог очаман. Беш ёшимдан бери балиқ тутишни жуда яхши кўраман. Ҳар хил балиқларни овладим. Аввалига кичик балиқларни тутардим, кейин қанча кўп машқ қилсам, шунча кўпроқ йирик балиқларни, айниқса зоғора балиқларни овлай бошладим," - деб айтди Фоден.

25 ёшли Фоденнинг "шаҳарликлар" билан шартномаси 2027 йил ўрталарига қадар мўлжалланган. Transfermarkt уни 100 миллион еврога баҳоламоқда.