Малайзияда лотин ёзувидан араб ёзувига қайтиш чоралари кўрилмоқда

Малайзия вазири Мужоҳид Юсуф Рава жума куни "Жавий ёзувидан фойдаланиш куни" деб эълон қилди.

Жавий – араб алифбосидир, янги ҳарфлар билан тўлдирилган, асрлар давомида малай тилида ёзиш учун ишлатилган.

Вазирнинг сўзларига кўра, Жавий ёзуви миллий меросни тиклаш учун платформа ҳисобланади, чунки Малайзия ушбу алифбони мамлакатда расмий алоқа воситаси сифатида ишлатишади.

Жавий – бу малай тилини ёзиш учун ишлатиладиган араб алифбосининг ўзгарган шакли. Жавий Брунейдаги икки расмий скриптлардан бири бўлиб, Индонезия, Малайзия, Сингапур ва Филиппинда ҳам ишлатилади. Ушбу мамлакатларда Жавий ёзуви асосан диний соҳада қўлланилади. Мазкур ёзув араб алифбосининг 29 ҳарфидан ташқари яна 6 та ҳарфни ўз ичига олади.

“Иншааллоҳ, шу руҳ билан биз ўз урф-одатларимиз ва маданиятимизни сақлаб қоламиз. Қайта-қайта айтаман, бу ёзув барча фуқаролар томонидан қўллаб-қувватланиши керак, чунки Жавий нафақат Малайзияга тегишли, балки бизнинг умумий Малайзия меросимиздир”, дея таъкидлади Мужоҳид.

“Умид қиламизки, ушбу саъй-ҳаракатлар тарихий анъанани янада кучайтиради ва бошқа вазирликлар ҳам тарихий анъанамизни сақлаш учун жавидан фойдаланишни оммалаштиради”, деди у.

Аввалроқ, Мужоҳид Жавий ёзувини оммалаштириш дастурини ишга туширган ва барча агентликлар раҳбарларига бу дастурларни тақдим этган.

"Мен Жавий ёзувини оммалаштиришни исломлаштириш жараёни деб билмайман, гарчи бу баъзи бир партияларнинг таъкидлашича, бу ҳозирги Ислом маъмуриятининг позициясига яқин, чунки Жавий мактуби расмий даражада деярли ишлатилмасди” деди у.

Жавий ёзуви малай халқи Исломга киргандан бошлаб ишлатилган. Узоқ вақт давомида Жавий ёзуви малай тили учун одатий скрипт сифатида ишлатилган, аммо вақт ўтиши билан у "руми" деб номланган лотин алифбосига алмаштирилганди.