Макрон ва Зеленский узоқ суҳбатлашди

Франция президенти Эммануэль Макрон Европа давлатлари раҳбарлари ва Украина президенти Владимир Зеленский билан Россия-Украина можаросини тартибга солиш масаласини муҳокама қилди.

Макрон бу ҳақда "Х" ижтимоий тармоғида ёзди.

Унинг сўзларига кўра, Зеленский ва Европанинг бир қанча етакчилари билан сўнгги соатлардаги воқеалар муносабати билан суҳбат узоқ давом этган. У, шунингдек, Франция Украинани ўт очишни тўхтатиш келишувини ўрнатишда қўллаб-қувватлашга содиқлигини яна бир бор таъкидлади.

14 июль куни Трамп Россия-Украина можаросини ҳал қилиш бўйича келишувларга эришиш учун 50 кун вақт бераётганини, шундан сўнг Москва ва унинг савдо ҳамкорларига қарши 100 фоизлик савдо божларини жорий этиш ниятида эканини айтди. 29 июль куни Америка раҳбари бу муддатни 10 кунга қисқартириш ҳақида баёнот берди.