Маҳмуд Мурадовнинг 8 март кунги рақиби ўзгарди

Ҳамюртимиз Маҳмуд Мурадов 8 март куни Германияда жанг қилиши ҳақида хабар қилгандик.

Штутгарт шаҳрида жойлашган "Hanns-Martin-Schleyer-Halle" мажмуасида ташкил этиладиган Oktagon 68 турнирида Маҳмудга бразилиялик Жоилтон Луттербах рақиб бўлиши керак эди. Лекин у жароҳат олди ва жангда қатнаша олмаслиги маълум бўлди.

Энди Маҳмуд Мурадов ўша куни швейцариялик Ясубей Эномотога қарши октагонга кўтарилади.

41 ёшли Эномотонинг ММАдаги рекорди 23-15-0 ни ташкил этади.