“Лукойл” активларини сотиб олишга АҚШ компанияси даъвогарлик қилмоқда — Reuters

Агентлик манбаларига кўра, Carlyle компанияси “Лукойл”нинг хориждаги активларини сотиб олиш бўйича битимни ўрганишнинг “илк босқичида” турибди. Компания АҚШ ҳукумати томонидан рухсат олиш учун ариза топширишни кўриб чиқмоқда, шундан сўнг эса активларни текширмоқчи.

Reuters суҳбатдошларидан бири Carlyle битимдан воз кечиши мумкинлигини айтган. Иккинчи манба эса Carlyle “Лукойл”га унинг активларини сотиб олиш ниятида эканини маълум қилганини билдирган.

“Лукойл” ўзининг хориждаги активларини сотишга қарор қилган, чунки АҚШ компанияга қарши санкциялар жорий қилган, улар 21 ноябр куни кучга киради.