Бугун 29 март, 2024 йил, жума

O'ZB

Луиза Расулова нонсиз қолиб кетган кунлари ҳақида гапирди

Луиза Расулова нонсиз қолиб кетган кунлари ҳақида гапирди

Актриса Луиза Расулова отасининг ўлимидан кейин оиласи билан ўта оғир кунларни бошдан кечиргани ҳақида гапириб берди. Бу ҳақда xabardor.uz ёзмоқда.

Биласизми, одамларда мактаб даврида севги палласи бўлади, 14, 15, 16 ёшлик вақтлардаги телефонда эрталабгача гаплашишлар... Менда бундай нарса бўлмаган. Менда севгига вақт бўлмаган. Стресс ҳолатидан чиқиб кетиб, акам билан бирга онамиз учун нимадир қилишга уринганмиз. Чунки яқинларимиз, қариндошларимизга суяна олмаслигимизни ҳис қилардик. Нонсиз қолиб кетган пайтларимиз бўлган, баъзида бозорда ишлаб, топган пулимни Тошкентга келиб фотосессия қилдиришга сарфлардим, йўлкирага ҳам анча маблағ кетиб қоларди. Лекин яқинларим мени қўллаб-қувватлашган.

Ўша вақтларда акам билан мен ишлаганман, онамни ишлатмаганмиз. Чунки юраклари касал, отамнинг вафотларидан кейин юракларининг ҳолати янада ёмонлашганди. Худога шукр, бугунги кунгача ишлатмадик. Лекин нонсиз қолиб кетган пайтларимизда, бировларнинг уйларини, ҳаттоки қариндошларимизнинг уйларини тозалаб, бизга нон топиб келган пайтлари бўлган, — деди Луиза Расулова.

Актрисанинг айтишича, ўша вақтларда онасига нисбатан ёмон муносабатда бўлган қариндошлар билан алоқалар вақтинча узилган. Улар билан алоқалар яқиндагина актрисанинг онаси томонидан қайта тикланган, Луиза Расулова эса бунга қаршилик қилмаган бўлса ҳам, ушбу алоқаларда ўзи иштирок эта олмаслиги, ўтган ишларни унута олмаслигини таъкидлаган.

Киритилди: 21:05 07.10.2021. Ўқилди: 8787 марта. Фикрлар сони: 16 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!