Луис Суарес «Ливерпул»ни АПЛ чемпионлиги билан табриклади

«Барселона» ҳужумчиси Луис Суарес «Ливерпуль» клубини Англия Премьер-лигасидаги чемпионлик билан табриклади.

«Жордан ва «Ливерпул»нинг барча футболчилари, клубда фаолият юритаётган ходимлар ва жамоанинг фанатлари учун қўлга киритилган чемпионликдан жуда ҳам хурсандман. Сиз ғолибликка муносиб эдингиз, чемпионлик сизга ярашади. Ҳақиқий чемпионсизлар!» - дея, Луис Суареснинг сўзларини келтирмоқда Goal нашри.

Уругвайлик ҳужумчи 2011-2014 йиллар давомида «Ливерпуль» сафида тўп суриб, кейин «Барселона»га ўтган эди.

Маълумот учун, Мерсисайд клуби сўнгги марта 1990 йилда Англия чемпионига айланганди. Орадан 30 йил ўтиб, «Ливерпуль» 19-марта мамлакат чемпионига айланди.