Луганск Ҳалқ Республикаси расмийлари Киевни судга бериш учун Украина қўшинлари етказган зарарни ҳисобламоқда. Бу ҳақда ЛПР раҳбари Леонид Пасечник "Россия" халқаро кўргазма-форуми доирасидаги матбуот анжуманида маълум қилди.
"Луганск Халқ Республикаси ҳудудида тегишли комиссия мавжуд бўлиб, у ўз аҳолисига қарши <...> содир этилган жиноятларни ҳисобга олади" - деди Пасечник.
Унинг таъкидлашича, судга даъво қўзғатилади, бу йўналишда иш олиб борилмоқда.
Бунгача Қримда арбитраж суди Украина расмийларига яриморолнинг сув блокадаси натижасида етказилган зарар учун 152,6 миллиард фунт стерлинг товон тўлаш тўғрисидаги даъвони қаноатлантирди. Шунингдек, декабрь ойи бошида Қрим "скиф олтини" учун товон талаб қилиши мумкинлиги маълум бўлди. Вилоят давлат кенгаши раиси Владимир Константиновнинг сўзларига кўра, бу мавзу бўйича маслаҳатлашувлар ҳали ўтказилмаган, аммо расмийлар бу йўналишда ҳаракат қилишга тайёр.