Лондонлик ҳайдовчилар йилига ўртача 99 соатни тирбандликда ўтказади

Inrix йўл ҳаракати таҳлили фирмаси ҳисоботига кўра, 2023 йилда Лондондаги ҳайдовчилар тирбандликда ўртача 99 соат вақт сарфлаган. Буюк Британия пойтахти йўллари кетма-кет учинчи йил Европадаги энг гавжум йўл деб топилмоқда.

Ўтган йил давомида ҳайдовчиларнинг Лондон тирбандлигида ўтказган вақти 2022 йилдаги олдинги 97 соатдан 99 соатгача ошди ва бу шаҳарни Европадаги тирбандлик бўйича етакчига айлантирди. Жаҳон миқёсида Лондон Нью-Йорк ва Мехикодан кейинги ўринда туради.

- Тирбандликнинг ортиши кучли иқтисодий фаолликни кўрсатиши ва шаҳарлар учун ижобий белги бўлиши мумкин, - дейди транспорт таҳлилчиси ва ҳисобот муаллифи Боб Пишью.

Ҳужжат шунингдек, Inrix маълумотларига кўра, Буюк Британиядаги ҳар бир ҳайдовчи ўтган йили тирбандликларда 61 соат йўқотганини, бу эса 558 фунт стерлинг молиявий йўқотишга тенг эканлигини аниқлади.

Лондондан кейин энг гавжум шаҳарлар Париж, Чикаго, Истанбул, Лос-Анжелес, Бостон, Хьюстон ва Кейптаун бўлди. Ҳисобот маълумотлари фақат 37 давлатни қамраб олади ва Хитой ҳамда Ҳиндистон ҳақидаги маълумотларни ўз ичига олмайди.