Лондон Россияга қарши яна 100 та санкция жорий қилди

Буюк Британия Россиянинг ҳарбий, энергетик ва молиявий секторларига қарши янги санкциялар жорий этди. 100 та янги чекловлар орасида «хуфиёна флот»га алоқадор 18 та танкер, 46 та молиявий ташкилот, «Омонатларни суғурталаш бўйича агентлик» ва Санкт-Петербург валюта биржаси ҳам бор.

Санкция рўйхатига, шунингдек, Британия фуқароси Жон Майкл Ормерод ва Россия танкерлари капитанлари ҳам киритилди. Мақсад — дезинформация кампанияларини тўхтатиш ва нефт экспортини чеклаш. Лондон, халқаро ҳамкорлар билан Россия нефтининг 60 долларлик нарх чегарасини ҳам қайта кўриб чиқмоқда.