Сешанба куни бўлиб ўтган "хоҳлаганлар коалицияси"нинг онлайн йиғилишида Британия бош вазири Кир Стармер Лондон Киевга ҳаво ҳужумидан мудофаа ракеталарининг янги партиясини етказиб беришини маълум қилди.
Guardian газетаси хабар беришича, Стармер "коалиция" мамлакатлари етакчиларини Украинага ҳарбий контингентни жойлаштириш эҳтимоли бўйича қатъий мажбуриятларни олишга чақирган.
"Буюк Британия яқин ҳафталарда Украинага яна ҳаво ҳужумидан мудофаа ракеталарини юборади", деди бош вазир.
Стармер, шунингдек, сўнгги чора-тадбирлар аллақачон ўз таъсирини ўтказганини таъкидлаб, Москвага босимни сақлаб қолиш учун Россия энергия таъминотига тўлиқ эмбарго қўйишга чақирди.
Унинг сўзларига кўра, Украинада эҳтимолий ўт очишни тўхтатиш бўйича музокаралар ижобий йўналишда кетмоқда. “Украина АҚШнинг келишув режасига баъзи конструктив ўзгартиришлар киритишни таклиф қилди, бу эса Киевнинг Европадаги иттифоқчилари томонидан қўллаб-қувватланди”, — дея унинг сўзларини келтиради газета.
Ўзбекистонликлар ва туркманистонликларнинг қаршилигига қарамай Роғун ГЕС қурилиши давом этади
Каспий денгизи иккига ажралиши мумкин
Жиззахда Lacetti ва юк машинаси иштирокидаги "авария"да 5 киши ҳалок бўлди
