"Ливерпуль" тез орада ярим ҳимоячи харид қилади. Хабарларга кўра, "Саутгемптон" ва мерсисайдликлар Ромео Лавия борасида келишувга эришишга яқин турибди. Юрген Клопп жамоаси 19 ёшли ярим ҳимоячи учун белгиланган 50 миллион фунтлик нархни, дастлаб қиммат деб баҳолаганди.
Аммо Хендерсон ва Фабиньонинг кетиши, Лавия харидини эҳтиёжга айлантирди. Аввалроқ "Ливерпуль" Лавия учун 45 миллион фунт таклиф этгани ҳақида хабар қилинган эди.
