Ливан Соғлиқни сақлаш вазирлиги маълумотига кўра, 2 мартдан буён Исроил ҳужумлари натижасида ҳалок бўлганлар сони 3593 нафарга етган. Шунингдек, қарийб 11 минг киши турли даражада жароҳат олган.
Март ойи бошидан бери Исроил Эрон қўллаб-қувватлайдиган «Ҳизбуллоҳ» ҳаракатига қарши ҳарбий операция олиб бормоқда. Ливаннинг NNA ахборот агентлиги хабар беришича, бугун Исроил армияси томонидан автомобилга берилган зарба оқибатида Ливан армиясининг бир генерали ҳалок бўлган.
3 июнь куни АҚШда ўтказилган музокаралар давомида Исроил ва Ливан ўт очишни тўхтатиш бўйича келишувга эришган эди. АҚШ Давлат департаменти мазкур келишувнинг амалга оширилиши кўп жиҳатдан «Ҳизбуллоҳ»нинг позициясига боғлиқ эканини таъкидлаган.
Бироқ 4 июнь куни «Ҳизбуллоҳ» етакчиси Наим Қосим ҳаракат сулҳ шартларини қабул қилмаслигини билдирди.
«Биз қаршилик ҳаракатини тўхтатиш бўйича ҳеч қандай мажбурият олмаганмиз», — деди у.
Шу тариқа, Исроил ва Ливан ўртасида эълон қилинган сулҳнинг келажаги ҳозирча ноаниқлигича қолмоқда. Минтақадаги вазият эса ҳануз кескин бўлиб турибди.
Россия Молия вазирлиги ва Марказий банк Путинни огоҳлантирди
«Жуманжи» актёри ваҳшийларча ўлдирилди
Самарқанднинг Пахтачи туманида 4 киши сувда чўкиб кетди
