Ливан АҚШнинг "Ҳизбуллоҳ"ни қуролсизлантириш таклифига рози бўлди

Ливан ҳукумати АҚШ президенти Дональд Трампнинг “Ҳизбуллоҳ” ҳаракатини қуролсизлантириш бўйича таклифига рози бўлди.

Бу ҳақда Ливан ахборот вазири Пол Маркус маълум қилди.

“Вазирлар Маҳкамаси Америка томонининг таклифида кўрсатилган бандларни маъқуллади”, деди Маркус журналистларга.

Вазирнинг сўзларига кўра, АҚШ томонидан таклиф этилган келишувнинг асосий бандлари қаторида қуролли гуруҳлар, жумладан, "Ҳизбуллоҳ" ҳам борлигини босқичма-босқич йўқ қилиш, Ливан армиясини қўллаб-қувватлаш ва уни мамлакат жанубига жойлаштириш киради.