Литвада яна АҚШнинг 4 нафар аскари ҳалок бўлди

Литвада автомобилни ботқоқдан эвакуация қилишга уринган тўрт нафар америкалик аскар ҳалок бўлди.

Бу ҳақда The New York Times хабар бермоқда.

Маълумотларга кўра, ҳарбийлар армия машинасини ботқоқликдан олиб чиқиш учун юборилган. Аммо аскарлар йўлдан чуқур ботқоққа тушиб, машина ичида қолиб кетган бўлиши мумкин. АҚШ армияси ҳодиса сабабларини ўрганмоқда, деб ёзади газета.

25 март куни кечқурун Литванинг Пабрадедаги марказий ҳарбий полигонида ўтказилган машғулотлардан сўнг тўрт нафар америкалик ҳарбий M88 Hercules зирҳли қутқарув машинасида кетиб, ғойиб бўлди. Вертолётлар иштирокида узоқ давом этган қидирув ишлари натижасида M88 Hercules ботқоқликдан топилган. Аввал хабар қилинганидек, АҚШ армиясининг тўрт нафар ҳарбий хизматчиси ҳалок бўлди.