Фрация суди ўта ўнг “Миллий бирлик” партияси етакчиси Марин Ле Пенни тўрт йилга озодликдан маҳрум қилди ва беш йил муддатга сайловда қатнашишни тақиқлади.
BBC хабарига кўра, суд Марин Ле Пенга тўрт йилга озодликдан маҳрум қилиш (шундан икки йили шартли уй қамоғи), 100 000 евро жарима ва беш йил давомида сайловларда қатнашиш тақиқи жазосини белгилади.
"Бунинг натижасида Ле Пен 2027 йилги Франция президентлиги учун сайловда қатнаша олмайди, ҳолбуки у ушбу сайловда асосий номзодлардан бири сифатида кўрилаётган эди", дея қайд этади нашр.
Ле Пен апелляция бериши кутилмоқда, аммо қарор аллақачон кучга кирган. Одатда, Францияда жазолар апелляция жараёни тугамагунча ижро этилмайди, аммо бу ишда судялар дарҳол ижрога қаратилган қарор чиқарган.
BBC шунингдек, “Миллий бирлик” партиясида захира номзод борлигини қайд этди — бу 29 ёшли Жордан Барделла. У 2022 йилдан бери партиянинг расмий етакчиси бўлиб, аввалроқ бош вазир лавозимига даъвогарлик қилган эди.
Эслатиб ўтамиз, Ле Пен ва унинг партиясининг саккиз нафар депутати Эвропарламентдаги ёрдамчилари учун ажратилган маблағларни ўз ходимларига тўлаш учун ишлатишда айбланмоқда. Ле Пен бу айбловларни рад этиб, уларни "сиёсий тусга эга" деб атамоқда.
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
