2026 йил 29 май куни Тошкент шаҳридаги Humo Arena мажмуасида йирик профессионал бокс оқшоми бўлиб ўтади. Мазкур нуфузли спорт тадбири WBC Eurasia ҳамда Ўзбекистон профессионал бокс федерацияси ҳамкорлигида ташкил этилмоқда.
Кечанинг марказий жангларидан бирида Париж–2024 Олимпия ўйинлари чемпиони Lazizbek Mullojonov қизил бурчакда, венесуэлалик тажрибали боксчи Luis Jose Marin Garcia эса кўк бурчакда ринга кўтарилади.
10 раундга мўлжалланган мазкур беллашувда боксчилар WBC Eurasia чемпионлик камари учун баҳс олиб борадилар.
Lazizbek Mullojonov ҳаваскор боксда юқори натижаларга эришган спортчилардан бири ҳисобланади. У Париж–2024 Олимпия ўйинлари ғолиби, ҳарбийлар ўртасида жаҳон чемпиони ҳамда Осиё чемпионлигини қўлга киритган. Профессионал рингда эса ҳозирга қадар 7 та жанг ўтказиб, уларнинг барчасида ғалаба қозонган.
Унинг рақиби Luis Jose Marin Garcia 39 ёшда бўлиб, профессионал фаолияти давомида 30 та жангда иштирок этган. Ҳисобида 17 ғалаба, 12 мағлубият ва 1 дуранг мавжуд.
29 май куни бўлиб ўтадиган профессионал бокс кечасида Олимпия чемпионлари ва жаҳон рингининг таниқли юлдузлари иштирокида яна бир қатор нуфузли жанглар ташкил этилиши режалаштирилган.
Нурмат Отабеков хантавирус бўйича ахборот билан чиқди
«Реал» ичидаги «сотқин» топилди
Деновда кураш мусобақасида полвон пичоқлаб ўлдирилди
