Россия ташқи ишлар вазири Сергей Лавров Индонезиянинг “Компас” газетасига берган интервьюсида Украинада мустаҳкам тинчлик ўрнатилиши учун янги ҳудудий воқеликларни расман тан олиш зарурлигини айтди. Бу Россиянинг янги ҳудудларига тегишли.
"Тинчлик барқарор бўлиши учун Қрим, Севастополь, Донецк, Луганск, Запорожье ва Херьсон вилоятлари Россия Федерацияси таркибига у ерда ўтказилган референдумлар натижасида қўшилганидан кейин юзага келган янги ҳудудий воқеликлар халқаро ҳуқуқий асосда тан олиниши ва расмийлаштирилиши керак", - деди Лавров. Унинг сўзлари Россия ТИВ расмий сайтида келтирилган.
Вазир, шунингдек, ҳудудларни тан олишдан ташқари, мустаҳкам тинчлик ўрнатиш учун Киев ядро қуролидан воз кечиши ва ҳар қандай блок, жумладан, НАТОга аъзо бўлиш ғоясидан воз кечиши ва Украинанинг бетарафлигини таъминлаши кераклигини эслатди.
Лавровнинг таъкидлашича, бу шартлар 1990 йилги Незалежной мустақиллик декларациясида кўрсатилган ва шу асосда жаҳон ҳамжамияти ва Россия Украина давлатчилигини тан олган.
“Бу ерларнинг асл эгаси бизмиз”
Маск: "Бу кетишда Европа йўқ бўлиб кетади"
ЕИ Россияни жиддий ташвишга соладиган ташаббус билан чиқди
