Лавров Россия мигрантларни иш билан таъминлаётганини даъво қилди

Россия ташқи ишлар вазири Сергей Лавров мамлакатда ишчи кучи танқислиги ва хорижий мигрантлар масаласи ҳақида тўхталиб ўтди. Унинг сўзларига кўра, Россия ҳукумати хориждан атайлаб одам жалб қилаётгани йўқ, балки Россияда ишлашни истаган минглаб хорижликларнинг мурожаатларини кўриб чиқмоқда.

“Одамлар бу ерда мавжуд бўлган иш ўринларига қизиқиш билдирмоқда. Биз ишчиларни ёлламаяпмиз, фақат келиб тушган сўровларга жавоб беряпмиз. Бу ерда аллақачон Хитой, Ҳиндистон ва Марказий Осиё давлатлари фуқаролари ишламоқда”, деди у.