Лас-Вегасда Tesla Cybertruck'ни портлатишда гумонланувчи ChatGPT ёрдамида жиноятга тайёрланган

37 ёшли Мэттю Ливелсбергер ChatGPT'дан портловчи қурилма тайёрлаш элементларини қаердан сотиб олиш, уни қандай йиғиш ва ишга тушириш ҳақида маълумот олган, деб хабар бермоқда NBC News ҳуқуқ-тартибот идораларига таяниб.

Ҳудуд полицияси шерифининг журналистларга айтишича, бу АҚШ ҳудудида ChatGPT инсонга муайян портловчи қурилма яратишда ёрдам бергани аниқланган биринчи ҳодиса.

Эслатиб ўтамиз, 1 январ куни Лас-Вегасда Доналд Трампга тегишли меҳмонхона яқинида пиротехника воситалари ва ёқилғи ортилган Tesla Cybertruck электромобили портлатилган ва унинг ҳайдовчиси ҳалок бўлган эди.