«Барселона» қанот ҳужумчиси Ламин Ямаль «Олтин тўп»ни қўлга киритса ва шартномадаги қўшимча шартлар бажарилса, маош бўйича Мадриднинг «Реал» клуби ҳужумчиси Килиан Мбаппени қарийб тўрт баробарга ортда қолдириши мумкин. Бу ҳақда L'Équipe нашри хабар берди.
Манбага кўра, ҳозирда каталонияликлар вингери ойига 1,33 млн евро маош олади ва Испания чемпионатида энг кўп маош олувчи футболчилар бешталигига кирмайди. Ла Лигада энг юқори маош олувчи футболчилар — Килиан Мбаппе ва Винисиус Жуниор бўлиб, улар ойига 2,67 млн евро ишлаб топишади.
Бироқ Ямаль «Олтин тўп»ни ютиб олса, шунингдек ўйинлар сони, голлар ва совринлар бўйича белгиланган мақсадларга эришса, унинг маоши яна 10 млн еврога ошиши мумкин. Шу тариқа испаниялик футболчи француз ва бразилиялик юлдузларни қарийб тўрт баробарга ортда қолдиради.
Жорий мавсумда Ямаль «Барселона» сафида барча мусобақаларда 40 та учрашувда майдонга тушиб, 21 та гол урди ва 14 та голли узатмани амалга оширди.
Россия яна Олимпия ўйинларини қабул қилишга тайёр — Путин
Жавоҳир Синдаров FIDE рейтингида 6-ўринга кўтарилди
Украина терма жамоаси Испанияда ўғрилар ҳужумига учради
