"Пхенянда Курск вилоятидаги жангларда ҳалок бўлган аскарлар хотирасига Сэбел (“Янги юлдуз”) кўчаси қурилиши якунланди. Очилиш маросими шахсан Ким Чен Ин томонидан ўтказилди", деб хабар бермоқда Корея марказий ахборот агентлиги.
Маълум қилинишича, янги кўчада Курскдаги жангларда ҳалок бўлган ҳарбийларнинг оилалари яшаши учун “монументал меъморий иншоотлар” барпо этилган. Иншоотлар “Ватанининг мангу шарафи ва абадий равнақи йўлида жонини фидо қилган қаҳрамонларнинг жасоратини муҳрлаб қўйиши” кераклиги таъкидланган.
"КХДР раҳбари Сэбел кўчасини “қаҳрамонлик даврининг рамзи” ва “бутун мамлакат фахри”, деб атади. Маросимда у ҳалок бўлганларнинг оила аъзоларига квартира ордерларини топширди, шундан сўнг концерт дастури бўлиб ўтди", дейилади агентлик хабарида.
2024 йил ноябрида КХДР Россияга Украинага қарши урушда қатнашиши учун ўн минг нафар ҳарбий юборган эди. Шимолий кореялик қўшинларнинг йўқотишлари беш мингдан ортиқ кишини ташкил этган, уларнинг камида учдан бир қисми ҳалок бўлган. Жанубий Корея разведкаси КХДР 2025 йил ноябрида яна беш минг нафар ҳарбийни Россияга юборганини маълум қилганди.
Эрон Трампнинг Ҳўрмуз бўғозини очиш бўйича ултиматумига жавоб қайтарди
Эрон уламолари Хоманаийдан атом бомба ясашга рухсат беришни сўради
Эрон Ҳўрмуз бўғозининг «калитларини йўқотиб қўйди»
