КХДР етакчиси Путинга ваъда берди: "Доим ёнингиздаман, акажон"

КХДР етакчиси Ким Чен Ин Россия куни муносабати билан йўллаган табригида шахсан ўзи ва бутун мамлакат ҳамиша Россия Федерацияси билан бирга бўлишини айтди. Табрик матни Корея марказий ахборот агентлиги (KCNA) томонидан тақдим этилган.

Бир кун аввал телеграммани Россия ТИВ ходимига КХДРнинг Москвадаги элчиси топширгани маълум бўлди. Ким Чен Ин Россия президенти Владимир Путинга мурожаат қилиб, "Мен ва КХДР ҳамиша сиз ва Россия Федерацияси билан бирга бўламиз”, деб ёзди. КХДР давлат ишлари бўйича раиси Путинни “энг яқин ўртоқ”, Россия халқи ва ҳукуматини қардош деб атади.

“Бугун Россия сизнинг доно ва тажрибали раҳбарлигингиз остида барча ташқи ва ички таҳдид ва таҳдидларни енгиб ўтиб, ўз келажагини ишонч билан яратмоқда ва биз қардош давлатимиз – Россия Федерациясининг муваффақиятларидан чин юракдан қувонамиз”, — дейилади табрикда.