Бугун, 5 август соат 22:20 лар атрофида Кўкдала тумани, Кўкдала МФЙ ҳудудида жойлашган газ тўлдириш шохобчасида ёнғин рўй берганлиги тўғрисида ФВБГА хабар келиб тушган.
Шунга кўра, қутқарув хизматидан ёнғин-қутқарув экипажлари воқеа жойига етиб бориб, ҳозирда ёнғинни бартараф этиш ишлари олиб борилмоқда.
Воқеа жойига вилоят ФВБ ва туман ФВБ раҳбар ходимлари етиб борган. Ҳолат бўйича қўшимча маълумот берилади, дейилади расмий хабарда.
Шунингдек, вилоят ҳокимлиги ахборот хизмати "портлаш" эмас, ёнғин чиққанини маълум қилди.
