Кубада бутун мамлакат электр энергиясиз қолди

Кубада бахтсиз ҳодиса юз берди, бутун мамлакат электр энергиясиз қолди.

Кубада жума куни асосий электр станцияларидан бири — Матансас шаҳридаги Антонио Гутиеррез иссиқлик электр станциясида авария юз берди. Авария туфайли миллий электр тармоғида носозлик юзага келди, натижада бутун мамлакат электр таъминотисиз қолди. Бу ҳақда Куба энергетика вазирлиги хабар берди.

Куба президенти Мигел Диас-Канел Х ижтимоий тармоғида электр таъминотини тиклаш бўйича ишлар олиб борилаётганини, бироқ у қачон тугаши ҳозирча маълум эмаслигини ёзди.

Оролнинг 10 миллион аҳолисига электр энергиясини қатъий тежаш режимига ўтиш тавсия қилинган. Фавқулодда хизматлардан ташқари барча ишчилар уйларига жўнатилган. Мактаблар ва университетлар камида якшанба кунига қадар ёпиқ. Кўнгилочар жойлар ва деярли барча савдолар ҳам ёпиқ.

Кубада электр энергиясининг узилиши одатий ҳол эмас. Уларнинг сабаби электр станциялари ва энергия марказларида эскирган ускуналар, шунингдек, ёқилғи этишмаслиги. Қўшма Штатлар Совуқ уруш давридаёқ Кубага ёқилғи ва асбоб-ускуналар экспортига эмбарго қўйган ва асосий этказиб берувчилар - Венесуэла, Мексика ва Россия сўнгги йилларда этказиб беришни қисқартирган. Шу сабабли Куба, мамлакат иқтисодиёти банкротлик ёқасида бўлишига қарамай, ёқилғини спот бозорда анча юқори нархларда сотиб олишга мажбур.