Куба ҳукумати АҚШ томонидан оролга нефть етказиб беришнинг блоклаб қўйилиши натижасида мамлакатнинг шусиз ҳам заифлашган соғлиқни сақлаш тизими таназзул ёқасига келиб қолганини маълум қилмоқда.
Оролдаги тиббиёт тизими иқтисодиёт билан биргаликда анчадан бери доимий инқироз ҳолатида эди: тиббий материаллар, ходимлар ва дори-дармон етишмовчилиги аллақачон одатий ҳолга айланган.
Бироқ, ҳозирги вазият критик нуқтага етди. Расмийларнинг таъкидлашича, тез ёрдам машиналари фавқулодда вазиятларга чиқиш учун ёқилғи топишга қийналмоқда, электр энергиясидаги доимий узилишлар эса шифохоналар ишини янада ёмонлаштирган.
Блокада бошида мамлакат таянаётган ҳаётий муҳим юкларни етказиб берувчи авиарейслар ҳам тўхтаб қолди. Бунга Гавананинг Куба аэропортларидан учиб кетувчи самолётларни ёқилғи билан таъминлай олмаётгани сабаб бўлмоқда.
Эксперт ва таҳлилчилар блокада Кубани гуманитар инқирозга улоқтираётганидан огоҳлантириб, дунё етакчиларини тинч аҳолини ҳимоя қилиш учун чора кўришга чақирмоқда.
Дипломатия иш бермаса, муаммони Ҳарбий денгиз флоти бартараф қилади – Патрушев
Эмомали Раҳмон комада(ми)?
Умрага бориш 19 мартдан расман тўхтатилади
